Gleðileg jól og farsælt komandi ár!

Jólakveðjur,
Hulda Héraðsstubbur og co.

Hellú,

Langt síðan að ég bloggaði síðast hérna inni (við erum annars líka komin með "fjölskyldu" blogg á www.123.is/megas)

Annars var ég að fatta það um daginn að lífið mitt er eins og í Bjarkar myndbandinu "Triumph of the heart" þar sem Björk og kötturinn Murrmurr eru í aðalhlutverki. Ég held að ég sé farin að skilja kattarmál, enda höngum við mikið saman þessa dagana þegar Jón er ekki heima.

Ég reyni að blogga hérna og líka á hinni síðunni.

bk,
Hulda

Úff... þetta er erfiðara en ég hélt að vera svona í fríi. Nægur frítími með heilanum á mér sem leiðir til þess að ég er farin að hafa áhyggjur af ótrúlegustu hlutum, t.d. að Jón VERÐUR að fá sér ISIC kort fyrir ferðina, ég  VERÐ að eignast Martini glös þannig að ég get fengið mér almennilegt Martini á laugardaginn o.s.frv.

Það er líka skrýtið að vera komin í frí þegar Jón er ekki í fríi, hann hefur nefnilega svo oft verið búinn á undan mér, ég flögra bara um heima eins og vængbrotinn fugl

Jæja best að byrja að pakka, það er víst nóg eftir þar!

kv,
heilinn hennar Huldu sem hrökk loksins í gang

Ég var að fá besta camenbert sem ég hef á ævi minni fengið núna áðan, þetta var fullkomnun! Hann lak niður í miðjunni og svo var hann svo yndislega bragðgóður vá!

Já og svo var ég að klára síðasta prófið mitt úr Háskóla Íslands núna á laugardaginn, það var bara nokkuð fínt. Svo er ég að leggja loka hönd á BA ritgerðina mína, á bara eftir að prenta hana út.

Á morgun fer ég svo að veiða í Elliðavatni með sumargjöfinni sem hann Jón gaf mér í fyrra (óopnuð veiðistöng  ).

Þann 17. erum við svo flogin út til Parísar, djöfull skal étið þá! Rauðvín og ostar í öll mál og Pain au chocolat á morgnana! Ó my shit hvað ég hlakka til. Svo verður farið til Rómar og þar verður líka mikið étið og drukkið ummm...

Anyhow, læt þetta duga í bili.

Húlle

Ég veit að þið eruð alveg ólm í að heyra hvað ég gerði um páskana! Ég skildi kallinn eftir heima (hann þurfti að læra og eitthvað vesen) þannig að við mamma ákváðum að skreppa til Hólmavíkur yfir páskana, en hún er frá Gilsstöðum í Selárdal á Ströndum (rétt hjá Hólmavík), ég var þar einnig öll sumur sem krakki. Við heimsóttum ömmu mína (mömmu mömmu, eða ömmu Ninnu, heitir fullu nafni Finnfríður Benedikta Hjartardóttir) og þar voru nánast öll systkini mömmu komin (vantaði reyndar þrjú, en þau eru alls átta). Okkur var boðið í dýrindis steik hjá Rósa bróður mömmu og svo tók Hjörtur bróðir mömmu upp gítarinn og allir fóru að spila og syngja (það spila allir á gítar í fjölskyldu mömmu, þ.m.t. amma mín sem á þennan fína klassíska gítar heima hjá sér, og mamma að sjálfsögðu líka). Svo voru sagðar nokkrar gamansögur, þó aðallega um hana ömmu mína, en hún tók upp á því einu sinni að keyra inn í banka (óviljandi) síðan þá hefur þessi elska ekki keyrt hún skellihló að þessu öllu saman (enda búin að drekka nokkur hvítvínsglös).

Síðan trítluðu allir niður í sláturhúsið þar sem Hjörtur frændi er með smá stúdíó og þar var sungið og trallað til tvö um nóttina. Undirrituð steig meira að segja á stokk og söng nokkur lög, Víðir frændi spilaði undir á gítar. Þetta var svo ekki alveg nóg fyrir okkur þannig að við ákváðum að halda áfram á Café Riis, þar var tónlistarkennari Hólmavíkur með sjóv og spilaði meðal annars "Til hamingju Ísland" með Silvíu Nótt í trúbadora stíl, þrusuflott! Mér leið svona eins og í Cheers ("where everybody knows your name") en þar kom til mín kona og sagði við mig að ég væri frænka sín (hún var reyndar augafull) en hún sagði mér frá því að langafi hennar og langafi minn væru systkin (frekar langsótt, en samt áhugavert) svo var kallað hátt og snjallt á mig og svo var þrifsað í mig og ég föðmuð í bak og fyrir en þá var það Gunnsi frændi, það var ekki þverfótað fyrir ættingjum! Við mamma vorum orðnar ansi strautlegar um þrjúleytið og héldum þá heim á leið.

Daginn eftir var haldið inn í dal (Selárdal) þar sem allir voru að keppa á gönguskíðum (Númi litli frændi minn reyndi allt til að fá mig til þess að keppa) ég efast um að ég hefði komist langt miðað við ástandið sem ég var í eftir kvöldið áður. Við heimsóttum Hjört Þór frænda og Hildi konu hans á Geirmundarstöðum (rétt hjá bænum hennar mömmu). Þetta var alveg geypilega gaman en hún Hildur er alveg rosalega flink að vinna úr ull, hún skilur þetta í sundur í þel og tog og svo spinnur hún ullina og prjónar úr þessu glæsilegar flíkur, hún ætlar að taka mig á námskeið einhvern daginn. Svo renndum við heim og amma eldaði þessa dýrindis steik og að sjálfsögðu fékk maður rauðvín með. Ömmu fannst ekki annað hægt en að kenna mér að spinna og tók þá fram rokkinn sinn og sýndi mér hvernig þetta væri gert, þannig að ég var fyrir framan rokkinn allt laugardagskvöld að spinna, baðstofufílingur á þessu. Svo var haldið heim á sunnudeginum með sorg í hjarta.

Hulda í fortíðarljómatrans

Ættaróðalið Gilsstaðir

Jæja núna erum við Jón og KB banki orðnir stoltir eigendur af íbúð 306 í Blómvangi á Egilsstöðum. Þið getið skoðað myndir af íbúðinni undir "Myndir" hér til vinstri, njótið vel

Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Ef þið viljið lesa meira um ykkar stjörnumerki þá finnið þið link hérna á vinstri hönd

Ykkar,
Húlle

Hmm... spurning að prufa eitthvað nýtt!

Það rann gleðitár niður vangann minn þegar ég var í búðinni um daginn að kaupa mjólk. Ég rak augun í eitthvað sem ég hef ekki séð í möööörg ár..... elífiðarkúlu (ens. Jawbreaker). Hver man ekki eftir því að vera með troðfullan kjaftinn að sjúga þetta góðgæti? Fólki fannst ég vera óvenju feimin og þögul þegar ég var lítil stúlka en ástæðan fyrir því var einfaldlega sú að ég var iðulega með túllann fullan af eilífiðarkúlu. Það besta er svo þegar maður nær innsta laginu á kúlunni að bíta fast í, þá hrekkur kúlan í sundur og verður að tyggjói.

Eftir þessa yndislegu endur-uppgötvun þá er ég komin í fortíðarljómatrans (nostalgíutrans) og nú vil ég einnig að bláa húbbabúbbaið og svörtu hlunkarnir komi aftur!

Smattkveðjur,
Hulda

Jæja, minn heittelskaði er víst búinn að klukka mig:

4 störf sem ég hef unnið um ævina:
Saalt voyages, Négoti voyages, Aviastrong voyages, ferðaráðgjafi
Flugfélag Íslands, vann í bókunardeild
Icelandair, svara overflow símtölum frá Frakklandi og bóka flug
Upplýsingamiðstöð ferðamanna, upplýsingafulltrúi og vaktstjóri

4 bíómyndir sem ég gæti horft á aftur og aftur:
Indiana Jones myndirnar (Harrison Ford arwwwwrrhhhh....)
Me myself and Irene
There is something about Mary
Amélie Poulain

4 staðir sem ég hef búið á:
Reynihvammur 20 Kópavogi (í stúdíóíbúð hjá ma og pa, algjört partýpleis!)
Rue Vélane, Toulouse Frakkland
Fjallalind 23 Kópavogi
Eggertsgata 20 stúdentagörðum, Reykjavík

4 sjónvarpsþættir sem eru í uppáhaldi:
Simpsons fjölskyldan
Friends
Oprah
24

4 staðir sem ég hef heimsótt í fríum:
Frakkland
Glasgow
Danmörk
Vestfjarðarkjálkinn


4 heimasíður sem ég skoða daglega:
Ó my.... ég er algjör tölvufíkill
Alls kyns blogg
mbl.is sértstaklega fasteignasíðuna
Femin.is
hi.is

4 máltíðir sem ég held upp á:
Kjötsúpan hennar múttu er og verður alltaf í 1.sæti
Svínarifin og sauðnautið hans Vigga
Lambalæri
Gríski kjúllinn hans Buxa

4 bækur sem ég hef lesið oftar en einu sinni:
Cosmopolitanblöð
Ferðahandbækur
National Geographic
Allar sjálfshjálparbækurnar mínar!

4 staðir sem ég myndi vilja vera á núna:
Danmörk
Frakklandi í sólbaði meðfram Garonne ánni (reyndar eftir 3 mánuði!)
Í baði, ekki í sturtu
Í minni eigin íbúð með baði ekki sturtu!

Ég klukka alla sem lesa bloggið mitt og eru ekki ennþá búnir að gera svona klukk!

Ykkar,
Húlle

Jæja, þið megið öfunda mig núna. Móðir mín, sem er eins og allir vita sannkallaður snillingur, var að bjóða mér með sér í mæðgaferð til London á kveðjutónleika BB King. Við förum kl. 07.45 31.mars og komum heim aftur 2.apríl, tónleikarnir verða svo 1.apríl. EKKERT smá GAMAN veiiiiiiiiiiiiiiiiiiii!!!!  ójeeeehhhh

Annars er bara allt ágætt að frétta, held áfram að skrifa í ritgerðinni svona við og við en Muse-in skrapp eitthvað í frí er bara að bíða eftir því að hún komi heim aftur.

Núna eru BB King (Sweet Little Angel er GOTT lag) og svo Jack Johnson mest á fónum hjá mér, dásssssamlegt jehhh!

Kiss,
Húlle

Áhugavert að telja þetta allt saman. Hef sumsé heimsótt 18 lönd eða 8% af heiminum. Jaso.

http://www.world66.com/myworld66/visitedCountries/worldmap?visited=CAGLUSADBEDKFOFRDEISIEITLUNOPTESSEUK">
>
create">http://www.world66.com/myworld66">create your own visited country map
 or check our Venice">http://www.world66.com/europe/italy/veneto/venice">Venice travel guide

bk,
Hulle

Mikið svakalega er ég fegin því að hafa hætt við að fara til Túnis!! Það var verið að mæla gegn því að norðurlandabúar færu til múslimalanda, óbójóbój. Við förum í staðin til mekka kaþólikka, Róm og Vatíkanið við hliðin á.

Mér finnst þetta afskaplega sorglegt allt saman og ég verð að viðurkenna það að ég hef miklar áhyggjur af gangi mála. Ég vona bara að þetta rætist allt saman milli múslima og evrópubúa annars er ég hrædd um að þetta stefnir allt í þriðju heimstyrjöldina.

bk,

Hulda áhyggjufulla

Jæja! Nú er maður bara á leiðinni til Rómar!! Við Jón hættum við að fara til Túnis en erum á leiðinni til Rómar í staðinn. Hvorugt okkar hefur komið til Ítalíu þannig að okkur fannst þetta bara alveg upplagt. Svona hljómar ferðaplanið:

17.maí Brottför frá KEF - STN (London Stansted fyrir þá sem kunna ekki svona fansí skammstafanir eins og ég). Þar ætlum við að stoppa í nokkra klukkutíma og skoða Big Ben og fara í London Eye. Svo hoppum við í flug frá Luton flugvelli til hinnar rómatísku borgar París. Þar ætlum við að dúsa í 4 daga og fáum fría gistingu hjá Sandrine vinkonu minni.

21.maí Brottför frá Orly flugvelli til Ciampino í Róm. Við verðum þar í 7 daga að skoða og hafa það notó, skreppum jafnvel til Pompei og Flórens hvur veit? Við gistum á 2* hóteli sem heitir því skemmtilega nafni "Carlito's Way" geri aðrir betur!

28.maí Heimkoma með viðkomu í London (ég á ábyggilega eftir að pína Jón til þess að koma með mér á Oxford Street!)

Hvernig lýst ykkur á þetta?

bk,

Húlle London-París-Róm fari

Árið og takk fyrir það gamla!

Nú er mín bara komin í þægindapakka, er bara í tveimur fögum í HÍ og svo heima þess á milli að "skrifa ritgerð".

Það helsta í fréttum er að ég var að fá vinnu í sumar hjá Markaðstofu Austurlands, já nú verðum við hjúin hinum megin á landinu í heila þrjá mánuði. Ég verð reyndar í svipaðri vinnu og hérna fyrir sunnan að taka á móti ferðamönnum en þetta verður ábyggilega aðeins smærra í sniðinu, enda ekki eðlilegt hvað það er alltaf brjálað að gera hérna á uppló í Reykjavík! Svo ætla ég líka að skrifa ritgerð um nýsköpun í ferðaþjónustu á Austurlandi, vonandi tekst mér það.

Já svo má ekki gleyma því að ég og Buxi minn ætlum að smella okkur til Túnis í maí í langþráð frí, ég kem líklega sólbrunnin til baka.

Knús í kremjur!!

ykkar Hulda